بالصور والتفاصيل..عملاء «صبور العقارية» يتقدمون بشكوى لرئاسة الجمهورية ضد الشركة

وحسب نص الشكاوى المتعددة التي نشرها  الكثير من المتضررين على مواقع التواصل الاجتماعي، وتناقلتها الجروبات المختلفة ، وحظيت باهتمام بالغ من المتابعين ، كون المتضرر ليس شخصا واحدا،  بل عشرات المتضررين ، فإن الشركة لم تلتزم في تسليم الوحدات للملاك ، رغم مرور كل تلك السنوات الطويلة، بل وتستخدم أقصى أساليب الابتزاز وعدم الالتزام - حسب نص الشكاوي-.

وجاء نص الشكوى المقدمة لرئاسة الجمهورية على صفحتها الرسمية كالاتي:

استغاثة إلى رئيس الجمهورية

برجاء التدخل من سعادتكم - أعانكم الله

مع شركة الاهلى للتنمية العقارية (صبور) تحديدا مشروع ذا سكوير التجمع الخامس احنا من اوائل الناس اللى اشتروا من 2011 فى المرحلة الاولى وكان الكلام وقتها الاستلام بعد ٣سنين والمرحلة التانية بعد الاولى بسنة تقريبا.

اللى حصل ان الشركة لم تلتزم بالمواعيد نهائيا المرحلة الاولى استلمنا فى 2016 بدون مرافق مفيش (كهرباء ولا مياه ) مع وعود بأنها خلال اشهر قليلة المرافق حتكون دخلت وده طبعا اللى محصلش حتى الان ..!!

الوضع الحالى فى 2018 .. 

اللى استلم من المرحلة الاولى ولا عارف يوضب ولا يسكن او لو وضب بيتسرق زي ما حصل معيا، لان مفيش مرافق (مع العلم ان المشاريع اللى حوالينا فى نفس المنطقة وفروا كهرباء ومياه للمراحل اللى اتسلمت) حتى السور مخلصش مازال فى انشاءات مفيش شركة امن نزلت الموقع وبالتالى حصلت سرقات كتير من بعض الوحدات اما المرحلة التانية لسه مستلموش وحداتهم حتى الان .

توجهنا بشكاوى كتير للشركة وكل اللى بيحصل وعود بجدول زمنى وطبعا مبيتحققش تروح تشتكى يقولو مواعيد تانية وبرضه مبتتحققش وهكذا .

انا من سنتين وقت الاستلام قعدت مع المسؤل عن التسليم بمقر الشركة فى التجمع الخامس وكان بيأكد لينا ان المرافق حتدخل قبل اخر السنة (2016) والسور خلاص شغالين عليه حاليا وانهم بيفاضلوا بين عروض شركات الامن وطبعا وحتى يومنا هذا مفيش حاجة من الحاجات اللى ذكرتها ده خلصت ..

احنا حجزنا 2011 على اسم الشركة المعروف بالسمعة الجيدة فى السوق .

لكن للاسف مع التجربة اكتشفنا عدم الالتزام بالمواعيد والتأخير المبالغ فيه....!!!!

وعلى جروب The Power of Social Media Group قال المتضرر «أحمد شريف» حسب بيانات حسابه الشخصي أنهم من أوائل عملاء الشركة الذين تقدموا للحجز بمشروع «ذا سكوير التجمع » قبل نحو ٨ أعوام ، على خلفية أن الشركة كبيرة ومشهورة ويملكها رجال أعمال مشاهير، لكنهم صُدموا في هذه الشركة بعد الممارسات غير المشروعة التي قابلوها من الشركة وإدارتها.

وجاء نص منشوره كالاتي:

بالنيابه عن ملاك وحدات المشروع السكني ذَا سكوير في القاهره الجديده والمملوك لشركة تشتهر بالاحترام والالتزام وهى..

شركة الأهلي للتنمية العقارية والشهيرة ب (صبور) 

حاجزين وحداتنا من يناير ٢٠١١ والكمبوند فعلا لسه مهجور
بإدعاء صعوبة توفير الكهرباء والمياه 

على الرغم ان الشركات المجاورة مثال هيدبارك وميفيدا 

موصلين كهرباء و مياه و غاز من حوالى ٣ سنين 

والى الان لم يتم الانتهاء من السور والطرق وبعض البوابات والمسجد والنادي وخلافه والشغل شبه متوقف لدرجة ان العمارات اصبحت قديمه و محتاجه دهان جديد

ومع ذلك

تم سداد كامل ثمن اغلب الوحدات واذا تأخر مالك عن قسط يحسب عليه فوائد من الشركة 

والشقق التي تم تسليمها صوريا بيتم سرقة أي شيء يتم وضعه بها. بالإضافة الي ذلك فإن الشركة تطالب بعض الملاك بدفع مبالغ غير منصوص عليها في العقد ويعلنوا ان في حالة عدم الدفع مفيش تسليم.. وكل ٦ شهور يماطلوا لمده مماثله.. الان بعد تحرير سعر الصرف أصبح التشطيب بأضعاف ما كان عليه في ميعاد التسليم وكل ذلك في تجاهل تام من الشركة ودون أي تواصل حقيقي او التزام. يعني فلوس الملاك ومصالحهم وممتلكاتهم في خطر حقيقي. وكل ما تقوم به الشركة هو التسويق والدعاية لمشاريع جديده بحثا عن ملاك جدد ليقعوا في نفس المأزق تحت شعار اسم صبور كشركة من المفترض انه موثوق بها.

Al Ahly For Real Estate Development