عاجل
الثلاثاء 21 مايو 2024

أديب لرئيس الوزراء: "لازم اللي يروح يفاوض ويقنع آبل يكون حد عبقري"

الميزان

علق الإعلامي عمرو أديب على تصريحات رئيس الوزراء الدكتور مصطفى مدبولى بشأن سعي الحكومة لاستقطاب الشركات العالمية للعمل في مصر، ومنها عملاق التكنولوجيا الأمريكية «آبل».

وقال أديب، في تعليق ببرنامجه «الحكاية»، عبر قناة MBC مصر، السبت، إن جلب الاستثمارات الخارجية يحتاج أن تمتلك الدولة بنية صناعية قوية جاذبة للاستثمار.

عمرو أديب: الاستثمارات تحتاج بنية قوية

وأضاف: «رئيس الوزراء عايز يجيب آبل مصر، طيب هنجيب آبل وبعدين يقولك أنا عايز أجيب مستلزمات إنتاج ومش عارف! آبل هتيجي لما يبقي في بنية أساسية صناعية محترمة».

وأوضح: «حاجات زي دي محتاجة إغراءات مرعبة، الناس دي عشان تيجي مصر، أنت عندك ليهم تسهيلات؟! في السعودية عندهم مشروعات بيجيبوها ويدوها 15 سنة معفية من كل حاجة، طيب آبل هتيجي هنا ليه؟! إيه اللي هتقدمه ليها؟!».

 

وتابع: «الشركات مبتاكلش تاريخ، الشركات بتاكل واقع، وبتبني مستقبل، الواقع والمستقبل بتاعك عامل إزاي؟ التاريخ لطيف وكويس وعظيم لكن أنا مش جاي أعمل سياحة أنا جاي افتح مصنع».

 

عمرو أديب: لازم اللي هيروح يفاوض ويقنع آبل يكون حد عبقري

 

وأكمل أديب: «لازم اللي هيروح يفاوض ويقنع آبل يكون حد عبقري وعنده قدرات كبيرة؛ هل إحنا عندنا ملف أو شيء نقوله لآبل؟ ولا هنقولهم يا جماعة تعالوا مصر عشان الجو حلو والمصريين لطاف والأمن والأمان؟!».

 

واستطرد: «أنت عايز حد يجيب آبل ويقعد معاهم ويعمل لهم بريزنتيشن موظف يكون مرتبه 10 أو 20 أو 30 ألف جنيه، ولا ينفع، انت محتاج شباب دارس بره وفاهم السوق، وأبناء مصر اللي عمله أشياء عظيمة، انت محتاج دريم تيم».